【虾辘（蝦轆）】

轆，普通話不單用，只作為詞素組成軲轆、轆轤、轆轆等詞。廣州話可單用，表示：①輪子，軲轆。例如：單車轆[自行車輪子]|前轆要泵氣[前輪要打氣]|線轆[線軲轆，木紗團]。②圓柱形的東西。例如：磨轆[磨盤上面的磨扇]|蝦轆[大蝦切成的段]。③量詞，用於圓柱形的東西。例如：一轆木[一段木頭]|一轆竹[一根粗竹竿]一轆蔗[一截甘蔗]。④滾動。例如：山上轆咗嚿石落嚟[山上滾了一塊石頭下來]|轆落樓梯[從樓梯上滾下來]。⑤摔，倒。例如：轆低[摔倒]|轆喺牀度[倒在牀上]。⑥（用輪子）碾，軋。例如：轆平條路[把路軋平]|差啲畀車轆親佢[差點兒讓車把他軋了]。（《廣州話普通話同形詞對比詞典》）